Prezidente Komisaun Funsaun Públika, Faustino Cardoso Gomes partisipa no akompaña serimónia tomada posse ba Sekretáriu-Jerál Parlamentu Nasionál, Edgar Sequeira Martins ho Sekretáriu –Jerál Adjuntu João Rui Amaral iha Uma Fukun Parlamentu Nasionál, loron 13 fulan jullu tinan 2023.
Iha diskursu Prezidente Komisaun Funsaun Públika, Faustino Cardoso Gomes hatete, asume kargu ne’e responsabilidade bo’ot, kargu mós la’os direitu kompara ho kareira, kargo ne’e periodu no la’os vitalize, tamba define klaru natureza ne’e iha konstituisaun RDTL no Komisaun Funsaun Públika liuhusi Parlamentu Nasional hatudu ezemplu ne’e oinsa kumpri prosesu sira ne’e.
Presidente KFP kongratula lideransa Prezidente Parlamentu Nasionál, ne’ebe revitaliza Sekretariadu Parlamentu Nasionál ho ofisiais foun ne’ebé sira nia kualidade, esperiensia, koñesimentu sira ne’ebé relevantes ho natureza servisu ne’ebé mak sira atu hala’o.
Iha fatin hanesan Prezidente Parlamentu Nasional, Maria Fernanda Lay iha nia diskursu apresia kapasidade lideransa no kapasidade Sekretariu Jerál sesante, Adelino Afonso de Jesus ne’ebé lidera no servi sekretariadu Parlamentu Nasional hahú kedas inísiu Asembleia Konstituente to’o agora.