Sexta feira, 07 Juñu 2019 – Komisariu Komisaun Funsaun Públika asuntu disiplinar, António Freitas halo enkontru ho ekipa integradu kompostu Provedoria Direitus Humanos no Justisa (PDHJ), Komisaun Anti Korupsaun (KAK), Inspetur Jeral Estadu (IJE) no Komisaun Funsaun Públika (KFP) ho ajenda emenda ba memoranmdu entendimentu ne’ebé asina iha fulan outubru tinan 2015, ne’ebé sei remata iha fulan outubru tinan 2019 kona-ba prevensaun no kombate korupsaun atu promove governasaun diak no proteje direitus umanos iha Administrasaun Públika.
Komisariu Antonio Freitas iha abertura enkontru esplika katak, enkontru ne’e importante atu halo diskusaun klean kona-ba implementasaun akordu kooperasaun ne’ebé implementasaun ladun diak, tanba ne’e presija estabelese ekipa integradu ba boa governasaun antes renova akordu.
Durante enkontru equipa konjunta konkorda sei deskuti klean liu konteudu husi kooperasaun ne’e antes sai baze ba servisu ekipa integradu iha futuru, konkorda atu ekipa integradu hahu halo sosiliasaun/desiminasaun kona-ba uniformizasaun ba mudansa plat kareta estadu, no mós servisu Alfandega kontrola sasan tama sai iha área fronteira atu asegura akordu memoranmdu entendimentu, antes ekipa hatoo rekomendasaun ba Primeiru ministru. Aktividade diseminasaun ne’e tuir planu sei kalendariu antes hala’o iha semana oin mai.
Enkontru ne’e hala’o iha sala reuniaun Komisaun Funsaun Públika, Matadouro, Dili.