07 Marsu 2025, Prezidente no Komisárius Komisaun Funsaun Públika akompaña husi Sekretária Ezekutiva ba audiensia ho Primeiru-Ministru Kay Rala Xanana Gusmão iha Palásiu Governu hodi relata servisu Funsaun Públika no simu orientasaun sira.
Iha audiensia ne’e relata objetivu prinsipal husi reforma Administrasaun Públika, pontu primeiru mak atualiza servisu KFP ne’ebé mak hala’o durante ne’e, no segundu pontu mak halo mós konsultasaun liga ho kareira foun no formasaun karaktér.
Liu husi intervista Prezidente KFP informa ba jornalista sira hateten, objetivu prinsipal ida mak reforma Administrasaun Públika, iha enkontru ne’e foka liu ba pontu prinsipal rua, ida mak atu atualiza servisu KFP hala’o durante ne’e, ezemplu mak hetan ona autorizasaun husi Parlamentu Nasional atu halo reforma obrigatoriu ba funsionarius públiku ne’ebé atinji ona idade reforma, no konsegue define ona promosaun por antiguidade, forma ona ekipa task force entre KFP no Ministeriu Finansas, Ministeriu Edukasaun, Ministeriu Saúde no konsulta INCT debate kona-ba dezenvolve materia teste ba promosaun Grau ka Rekrutamentu. Iha segunda parte mak KFP atu halo konsultasaun ba servisu balun ne’ebé atu la’o ba oin hanesan halo formasaun karakter ba funsionáriu sira, reajustamentu ba kareira, ba sira ne’e hotu mak ohin KFP mai halo konsultasaun no au mezmu tempu hetan ideias no orientasaun husi Primeiru-Ministru.
Iha enkontru ne’e Primeiru-Ministru nafatin husu atu kontinua esforsu tanba servisu ne’ebé atu reforma Administrasaun Públika iha parte rekursus umanus ne’e la’ós kaman, tanba iha ninia kompleksidade a’as maibé, Primeiru-Ministru fó nafatin motivasaun ba KFP atu servisu ho di’ak atu hetan kualidade.
Prezidente KFP atualiza mós teste promosaun ne’ebé hala’o kada tinan, no funsionáriu barak mak seidauk hetan promosaun durante ne’e no la passa durante promosaun, tanba ne’e KFP ho hanoin ida hamosu promosaun por antiguidade ho baze ba dekretu lei númeru 46/2024 ne’ebé mak tuir kriteriu tinan 8 ba leten iha oportunidade ba sira. Define ona ba promosaun ho antiguidade ho durasaun servisu maibé sira priense mós rekezitus balun no halo fali selesaun ba sira, karik sira priense mak hetan promosaun grau por antiguidade.
Rekizitus mak kada tinan tuir formasaun hodi hetan valor, avaliasaun dezempenhu tina-tinan ho valor diak, sira hetan valor a’as maibe iha disiplinar nia hetan pena ruma ka fatas ruma bele hatun fali nia valor ne’e, laos 8 anos ba leten ne’e hot-hotu bele hasae grau, define mos kada tinan vaga % hira mak atu promove Exemplu vaga grau B-A 20%, C-B 25%, D-C 50% no Grau ne’ebe mak kiik liu define 90% husi Grau G-F, tamba sa mak grau kiik 90% maioria sira atu hakat ona ba reforma ne’e mak antes reforma hakat ba Grau a’as iha sira nia Grau anterior, esplika Prezidente KFP.