KFP selebra Asinatura MoU ho PGR

Komisaun Funsaun Públika (KFP) selebra asinatura Memorandu Entendimentu ho Ministériu Públiku (MP)

Objetivu husi aktu ida ne’e mak atu haklean no reforsa koperasaun husi instituisaun rua ho troka informasoens entre KFP no PJR liga ho esperiênsia profissional entre kuadru  rua no koordenasaun iha asaun promosaun integridade Funsaun Públika, efisiensia no efikasia servisu sira.

Área koperasaun sira mak temi iha dokumentu ne’e kobre asaun sira ne’ebé entidade rua sei halo aleinde servisu sira mak temi ona iha leten. Hanesan prevensaun no kombate kazus asédiu seksual iha Funsaun Públika, kordenasaun iha asaun ba implementasaun desizaun judisiál sira relativa ba funsionáriu públiku no ajente Administrasaun Públika sira no formasaun ba investigador sira.

KFP nia servisu dala barak liga ho Ministériu Públiku liu-liu, krime sira mak funsionáriu sira komete, tamba durante ne’e MP fó koñesimentu ba KFP liga deit ba kompeténsia funsaun públika liu-liu iha kontestu korupsaun. Nune’e, ho asinatura MoU bele hametin liu tan servisu no haklean liu tan koñesimentu investigador sira nian ba iha uzu ba termu tekniku iha matéria investigasaun.

Asinatura Memorandu Entendimentu ne’e asina ofisialmente husi Prezidente KFP no Prokurador Jeral Repúblika iha (01/08/2018), iha salaun PJR.