Komisariu KFP no Ekipa, Disemina DL nu. 27/2016 no DL nu. 22/2017 Kargu Diresaun Xefia No Funsionarius Ministériu Defeza

Komisariu Komisaun Funsaun Públika, asuntu disiplinar António Freitas ho Diretor Nasional asuntu disiplinar, Florindo da Costa akompaña husi xefi departamentu disseminasaun fó diseminasaun Dekretu Lei nu.27/2016, 29 juñu kona-ba rejimi-e juridiku apoiu ministeriais no Dekretu Lei Nu. 22/2018 kona-ba rejime senior profesional iha Administrasaun Públika  ba kargu diresaun xefia no funsionarius publikus iha Ministériu Defeza, sexta feira (31/05/2019), iha salaun Ministériu Defeza, Fatuhada, Dili.

Iha abertura ba diseminasaun ne’e Komisariu alerta kona-ba desizaun administrativu ba kargu diresaun xefia no Funsionariu  ne’ebé komete iregularidade, uzu patrimoniu estadu iha, lisensas no faltas, asediu seksual no toka asuntu kona-ba disiplinar nian ba funsionáriu Ministériu Defeza nian, enkuantu diretor nasional  asuntu disiplinar, Florindo da Costa halo aprezentasaun hodi esplika  kona-ba konteúdu husi dekretu lei nu. 27/2016 no dekretu lei nu.22/20017 no ninia kriteria sira.

Komisariu Komisaun Funsaun Públika, asuntu disiplinar António Freitas iha aprezentasaun esplika katak, dekretu lei 27/2016 rejime apoiu gabinete sira ne’ebé kompeténsia tomak iha Prezidensia Konsellu  Ministru no Komisaun Funsaun Públika iha dever atu kontinua disemina  ba kargu funsional no apoiu gabinete Polítiku atu hala’o knar  tuir ida-idak nia kompeténsia  servisu no labele halo interferensia ba malu.

Parte seluk Dekretu Lei nu.22/2017 kona-ba profesional senior ne’ebé sei responde ba ezijensia  eis diresaun kargu xefia atu promove no Komisaun Funsaun Públika mós prepara ona orsamentu ba kada klasifikasaun Grau A no Grau B  tuir planu sei implementa  tinan 2019 ne’e.

Durante sesaun perguntas, Diresaun Kargu Xefia no funsionariu sira kestiona kona-ba kompeténsia servisu apoiu gabinete  no kargu funsional, avaliasaun Dezempeñu, mandatu kargu diresaun no xefia iha Ministériu Defeza.

Hatan ba preokupasaun hirak ne’e  Komisariu António Freitas, husu ba Ministeiru Defeza no Diretor Jeral atu buka solusaun no define servisu tuir lei  atu apoiu gabinete labele halo intervensaun servisu kargu funsional ne’ebé garante servisu administrasaun públiku sustentável  husi  Governasaun ida ba  Governasaun seluk.