11 Outubru 2023, Prezidente no Komisárius Komisaun Funsaun Publika akompaña husi Sekretária Ezekutiva no Asesor Legal reuniaun ho Koordenadora ba iha ekipa tékniku reforma judisiria nian hodi partilla informasaun sira liga ho kestoens sira iha kontekstu âmbitu reforma nian ba Setór Justisa nian inklui Komisaun Funsaun Públika ninia kompeténsia liga ba funsionalizmu publiku.
Durante enkontru Komisaun Funsaun Públika fahe informasaun sira liga ho hanoin sira ne’ebé iha oinsá atu bele ajuda grupu traballu hodi propoin proposta konkretas ba reforma justisa, liga ba prioridade IX Governu nian, liu-liu relatóriu sira kona-ba forsa traballu ne’ebé mak iha setór justisa nian ho informasaun sira pertinente. No presiza tau kosiderasaun molok ekipa traballu prepara proposta konkretas ba Primeiru Ministru atu reforma ba iha setór justisa. Alende ne’e KFP partilla mós informasaun liga ho funsionalízmu públiku nian iha funsaun públika, esplika koordenadora reforma judisariu, Lúcia Lobato.
Hasoru malu ida ne’e koordenadora Ekipa Tekniku Reforma Judisiariu rona hanoin sira husi Komisaun Funsaun Publika kona-ba situsasaun sira ne’ebé relasiona ho keisas reklamasoens, ezenorasaun, nomeasaun, reklamante kona-ba papel Komisaun Funsaun Públika nian, magnitude ka númeru funsionárius publikus no oinsá atu define planu ida di’ak hodi haree ba situasaun forsa traballu ein jeral iha nivel funsaun públika.
KFP mós agradese ba Koordenadora Ekipa Téknika Reforma Judisial nian ne’ebé mai iha Komisaun Funsaun Publika atu hodi inteira no komprende reforma ne’ebé la’o tiha ona iha tempu kotuk iha 2009 iha IV Governu Konstituisional ne’ebé lideradu husi Kayrala Xanana Gusmão hodi inisia reforma ho dalan mak kriasaun Komisaun Funsaun Públika, ho razaun ida katak, Funsaun Publika ida ne’ebé profesional, imparsial, inzentu, servisu ho responsabilidade, kualidade ba interese publiku, Estadu no ba interese nasaun nian.
Prezidente KFP mós destaka, Funsaun Públika sei tane aas profesionalizmu, presiza iha ambiente ida seguru oinsá atu kontribui másimu ba iha servisu sira hodi hatan ba vizaun no misaun KFP nian. Nune’e rona mós pensamentu kritiku sira, proposta sira liliu ligadu ho kestaun reforma obrigatóriu ne’ebé antes ne’e Komisaun submete ona proposta ba Governu anterior, infelizmente seidauk hetan apresiasaun, tanba ne’e, Komisaun hein katak, Governu atual haree didiak hodi bele avansa ho reforma obrigatória.
Tanba Funsaun Públika feto ho idade médiu 45 ba mane 48, nune’e oinsá atu halo rasionalisazaun forsa traballu iha nivel Ministériu sira oinsá mak atu avansa ba iha dezentralisazaun hodi evita aumentu kontinú ba forsa traballu ne’ebé labele prejudika ba sustentabilidade Estadu, esplika Prezidente Komisaun Funsaun Públika, Faustino Cardoso Gomes iha enkontru ne’e.
Kestaun seluk, KFP mós halo estudu diagnóstiku atu hodi komprende situasaun forsa tarballu iha nivel nasional no sub nasionál oinsá atu uniformiza ba kestaun kontratasaun sira iha nivél ministerial atu labele fó impaktu ba sustentabilidade finanseira.
Hafoin enkontru, KFP mós entrega livrus no relatóriu sira balun hodi sai hanesan referensia no informasaun báziku ba ekipa téknika reforma judisial ne’ebé haree ba kestaun ne’e.
