Relasiona ho komemorasaun loron mundial Anti Korupsaun nian Prezidente no Komisárius Komisaun Funsaun Públika akompaña husi Inspetora KFP ho ekipa téknika sira, hamutuk ho ekipa konjunta husi Komisaun Anti Korupsaun (KAK), Provedoria Direitos Humanos e Justiça (PDHJ), Inspetoria Geral do Estado (IGE), Ministériu Finansas-Diresaun Jeral Jestaun Patrimoniu Estadu (DJJPE) realiza seminariu ho tema jeral mak kompromisu Estadu luta kontra korupsaun ba prósperiedade povu nian, iha sala enkontru HNGV, Díli iha kuarta-feira, (21/11/2024).
Objetivu husi komemorasaun loron mundial ne’e hanesan kompromisu estadu ida ba luta kontra koruosaun ba prósperiedade povu nian, husu ba kamadas hot-hotu atu refleta fó serteza liu husi asaun konkreta ba prevensaun no kombate korupsaun.
Komisáriu KAK, Rui Pereira dos Santos liu husi nia intervensaun, selebrasaun loron internasional anti korupsaun monu iha loron 9 dezembru 2024, ne’ebé mak ekipa konjunta vizita Hospital Nasionál Guido Valadares (HNGV) ho hanoin ida katak, ita nasaun kiik oan maibé liu husi ratifikasaun konvensaun internasional sira kona-ba anti korupsaun nian, hanesan membru oinsá atu kumpri dever obrigasaun implementa. Liu husi oportunidade ne’e mak hala’o vizita ba HNGV hodi haree besik oinsá atendimentu ba públiku inklui haree mós aimoruk sira iha armazen klínika nian ne’ebé enfrenta husi públiku menus.
Iha tempu hanesan Prezidente KFP, Agostinho Letêncio de Deus sekunda katak, selebrasaun internasional anti korupsaun ne’e hala’o iha mundu tomak no iha oportunidade ne’e aproveita partilla ba profesional saúde sira no lider sira katak, administrasaun públika la’o di’ak ne’e presiza kontrolu ne’ebé di’ak. Maske sistema bele adopta husi nasaun seluk nian no kontinua hadia tinan ba tinan maibé hatur ona mós iha administrasaun públika Timor nian iha parte implementasaun sira tenke halo kontrolu. Wainhira falla iha kontrolu mak sei la atinje objetivu, ne’e mak importante ihaAdministrasaun Públika atu la’o ho kualidade depende ba kontrolu.
Tinan barak ona administrasaun públika hari maibé, korupsaun kontinua eziste, ninia responta mak harii ekipa konjunta ne’e atu la’o hamutuk atu ahree ba problema sistema no mekanizmu kontrolu atu labele overlapping, nune’e
Komisaun Funsaun Públika nia prezensa hamutuk ho ekipa konjunta atu haree sistema atu asegura ba hamenus korupsaun iha loron oin mai, dehan Prezidente KFP.
Hanesan mós Prevedor Direitus Humanus no Justisa, Virgilio da Silva Guterres hateten, Instituisaun PDHJ kaer knár rua Governasaun diak no direitus umanus wainhira sala ruma iha Boa Governasaun automatikamente viola ona direitus umanus.
Provedor PDHJ ne’e mós rekoñese katak durante ne’e reklamasaun barak husi públiku no polítiku nain sira kestiona, hanesan situasaun iha ospital maibé PDHJ fiar katak, iha tempu naruk ne’e Governu ho indentidade relevantes atu restaura kondisaun ne’ebé mosu, liliu ho kontratu professional saúde sira ne’ebé Governu foti desizaun la estende tamba, fó impaktu ba atendimentu iha área remota sira.
Provedór fó esperansa katak, ita bolu ospitalidade ne’e ema iha liur moras mai haree de’it, maib hatudu 50 % kura ona, antes Doutor ho enfermeiru sira halo atendimentu ba kura nia moras. Provedor nia dever obrigasaun ida mak oinsá mak atu kontinua fó advokasia ba Estadu atu investe no alokasaun orsamentu razoavel, la’ós de’it ba enfrastrutura ho fiziku de’it, oinsá ba bem-estar professional saúde sira iha ospital nasional, ospital referal sira to’o postu saúde sira iha área remota.
