Segunda-Feira, 11-02-2019 – Prezidente Komisaun Funsaun Públika, Faustino Cardoso Gomes partisipa serimonia tomada de posse ba membru Konsellu Administrasaun Autoridade Aviasaun Sivil Timor-Leste, iha salaun enkontru Ministériu Transporte Telekomunikasaun, Caicoli, Dili.
Membru AACTL, I.P nain tolu ne’ebé simu posse kompostu husi Prezidente Konsellu Administrasaun, Ana Rosalia Varela, ho membro nain rua Carlos Mendonça Tilman no Eusébio Freitas.
Membru nain tolu simu posse husi Ministru Transporte Telekomunikasaun, José Agustinho da Silva, hodi hala’o knar ba periodu tinan haat nian.
Estrutura AACTL.IP ho knar importante maka oinsa atu garante no asegura movimentu aviasaun iha Timor Leste ho responsabilidade nio estranjeiros, hateten ministru iha nia diskursu iha serimonia tomada de posse.
Hafoin serimonia tomada de posse ne’e Prezidente sesante AACTL, Sabino Henriques entrega relatoriu servisu ba atual Presidente AACTL.IP.
Serimonia tomada de posse ne’e hetan partisipasaun husi Vise Vise – Ministru Obras Públikas, Prezidente KFP, Dirtores husi Ministerius Obras Públikas, inklui Setór Privadu.
