Formasaun professional iha área auditoria, fiskalizasaun no averiguasaun ba dirijente no funsionáriu sira hodi apoiu servisu Gabinete Inspesaun no Auditoria Ministériu Justisa nian iha CVTL Manatuto durante loron lima husi (16-20 Outubru 2023) ofisialmente ensera husi Ministru Justisa Amandio Benevides, iha Administrasaun Munisípiu Manatuto.
Iha enseramentu Ministru Justisa hatete, ho formasaun ne’e bele eleva sira nia koñesimentu liu-liu kona-ba metodolojia wainhira rekolla informasaun ka averiguasaun ou investigasaun ba prosesu disiplinar ka saida deit maka iha Funsaun Públika nian sira bele dezempeña sira nia knar hanesan auditor no investigador iha áreas oi-oin.
Formasaun ne’e realiza bazeia ba Planu IX Governu Konstitusional nian ka Gabinete Inspesaun Auditoria nia ne’ebé sei halo mos iha fatin seluk adianta Governante.
Maske nune’e Ministru klarifika katak, formasaun ne’e funsionárius husi Ministériu Justisa nian rasik ka nível Nasional, hein katak sei halo mos programa hodi halao mos iha fatin seluk nune’e bele envolve mos lideransa sira iha âmbitu Ministériu Justisa nia ne’ebé delega tiha ona iha Munisipais.
Enkuantu Formador ba formasaun ne’e formador Marito Maia katak, durante formasaun nia akompañamentu iha servisu grupu ka ezersísiu sira iha koñesimentu diak domina duni métodu sira ne’ebé maka formador fó.
No espera katak wainhira iha tan formasaun idéntika karik ho formasaun ida ke mais aplikável ba area sira ne’ebé maka sira servisu ba, dehan Formador Marito.
Prezente Iha serimónia enserramentu formasaun loron lima, Sub-Inspetor KFP Manuel da Silva, Administrador Munisípiu Manatuto, Konvidadus no Formandus sira ho susesu.