Tersa-feira, 22/09/2026 – Prezidente Komisaun Funsaun Públika Agostinho Letêncio de Deus no Komisáriu KFP portefóliu Planeamentu Forsa Traballu Jose Telo Sores Cristovão partisipa iha serimónia Inagurasaun monumentu Monsenhor Martinho da Costa Lopes ne’ebé hala’o iha suku Mehara, postu administrativu Tutuala, Munisipál Lautém.
Komandante em Chefe das FALINTIL, Kay Rala Xanana Gusmão iha ninia diskursu hateten, enkontru husi istória resisténsia durante okupasaun Indonésia no husi fatin (uma ne’e) mak hahú fila fali funu, no istória hirak ne’ebé mak destaka hodi bele transmite ba jerasaun foun no jerasaun tuir mai sira oinsá mak Timor hetan ukun-rasik-aan no kontribuisaun boot husi Dom Martinho da Costa Lopes nian ba iha prosesu autodeterminasaun Timor-Leste nian.
Iha serimónia ne’e, fó omenajen ba eroi no eroina hotu ne’ebé kontribui no agora laiha ona, tanba ne’e, Inagurasaun monumentu ne’e sai hanesan esforsu atu preversa memória istórika ba independénsia Timor-Leste nian. Iha serimónia inagurasaun hahú ho misa agradesementu hodi hanoin hikas primeiru enkontru Administrador Apostóliku Dili – Monsenhor Martinho da Costa Lopes no Comandante em Chefe das FALINTIL – Kay Rala Xanana Gusmão iha Mehara, 22 Setembro 1982
