Maske fasilidades menus hodi prepara hahán ba estudantes maibé Governu kontinua fornese, eskola balun menus alunus no mais profesores, profesores balun la iha avaliasaun dezempeñu, eskolas balun la iha muru, afeta husi barullu husi animais no ema, durante prosesu aprendizajen inklui regras uniforme no seluk tan.
Preokupasaun ne’e aprezenta husi Prezidente Autoriedade Munisípal Baucau, Olívio Boulesa Freitas iha nia gabinete durante enkontru ho ekipa Monitorizasaun Funsaun Públika iha Segunda-feira 10/10/2022 antes ba terenu hodi haree kondisoens eskolares Sentrais no Filiais.
Rekomenda mos ba ekipa atu monitoriza didiak, tanba durante ne’e sira informa deit situasaun ne’ebe diak deit nune’e bele detekta informasaun lolos iha terenu.
Hafoin enkontru ho Prezidente ekipa halo enkontru diretamente ho Diresaun Edukasaun Munisípiu Baucau hodi apura informasaun sira konaba problema eskola filiais, eskolas paralelu sira.
Durante enkontru Xefe Rekursus Humanus Teresa Fernandes Teixeira rekomenda ba ekipa atu hadia DL no. 9/ 2016 no seluk tan, tanba difikulta teb-tebes ba iha promosoens, graus, Direitu ba subsídiu no seluk tan.
Hafoin enkontru, ekipa tun diretamente ba Eskola Sekundária no. 2 Filial Wailili no apura problemas oi-oin husi eskola ne’ebé lao ona tinan 10 ne’ebé ho profesores permanente 2 ho voluntárius nain 11selu ho kontribuisaun husi Asosiasaun dos Pais dos alunus, no estatutu eskola ne’e empresta eskola EBC Wailili nia ho estudantes hamutuk 175.
Durante enkontru Koordenador Julio A Ximenes husu ba Governu Liu husi Ekipa atu konsidera profesores voluntárius, Edifísiu, fasilidades eskolares, Biblioteka no seluk tan.
Enkuantu ekipa seluk halao monitorizasaun ba eskola Sekundária Jeral Filial Aubaca Baucau Vila.