Prokuradoria Jeral Repúblika (PJR) fasilita husi Komisaun Funsaun Públika asina tan termu aseitasaun ba funsionáriu foun nain 10 hodi suporta no asegura servisu tékniku PJR ninian.
Prezidente KFP apresia ho jestu kooperasaun institusional entre instituisaun Estadu sira hodi asegura prinsipiu boa governasaun ba iha prosesu rekrutamentu ne’ebé mak sai hanesna prinsipiu fundamental hodi sustenta méritu operasional Funsaun Públika.
Ho ida ne’e hatudu kompromisu servisu hamutuk hodi nafatin ba oin, iha PJR funsiona rejime espesial no rejime jeral ho típika funsaun natureza instituisaun nian, ida ba administrativu no ida seluk hodi asegura responsabilidade profesionalizmu operasional ministériu públiku nian.
Nune’e Prezidente KFP, Faustino Cardoso Gomes nafatin husu servisu hamutuk, tanba evidensia hatudu, ho kompromisu nafatin. No husu ba emposadu sira atu hatudu dezempeñu di’ak durante hala’o knaar, alende ne’e lori KFP nia naran kongratula resin emposadu sira ne’ebé hatudu duni ninia vontade, tanba hare feto mós hatudu ninia prontidaun ba servisu ne’e, ba prosesu rekrutamentu ne’e 60 pursentu husi feto, apresia tebes.
Iha tempu hanesan Prokurador Jeral lori ministériu públiku nia naran agradese no kongratula emposadu sira liu husi konkursu ne’ebé mak la fasil hodi avalia sira nia koñesimentu jeral no esperensia. Ida ne’e mai husi prinsipiu no igualdade, hodi fó tratamentu ba ema hotu ne’ebé iha situasaun jurírika hanesan, ho méritu liu husi koñesimentu tékniku no profisional.
Serimónia asintura termu aseitasaun ne’e PJR no KFP fó pessoal nain 10 kompostu husi feto nain 6 no mane nain 4.
Serimónia ne’e realiza iha salaun PJR, iha tersa feira horseik (24/10/2022) iha Colmera Díli.
