Tersa-Feira loron 15 fulan agustu tinan 2023, Presidente, Komisaria no Komisario Komisaun Funsaun Públika-KFP, inklui Sekretaria Ezekutiva enkontru ho Presidente Parlamentu Nasional Sua Excelensia Fernanda Lay iha nia servisu fatin uma fukun Parlamentu Nasional.
Ekipa KFP kompustu husi Presidente Faustino Cardoso Gomes, Komisario Fausto da Silva Freitas, Komisaria Maria de Jesus Sarmento, Komisaria Carmeneza dos Santos Monteiro no Sekretaria Ezekutiva Maria da Costa Oliveira.
Iha enkontru refere Presidente KFP relata ba Presidente Parlamentu Nasional konaba servisu prinsipal sira ligadu ba knar Komisaun Funsaun Publika nian, inklui informa konaba teste promosaun ba funsiunariu rejime jeral tinan ida ne’e nian ba Presidente Parlamentu Nasional.
Hafoin enkontru ho Presidente Parlamentu Nasional, iha parte lorokraik, Presidente KFP hamutuk ho Sekretaria Ezekutiva no Diretor Administrasaun Finansas Belizario Rafael Magno Pereira partisipa iha Debate Orsamentu Retifikativu 2023 nian iha uma fukun Paarlamentu Nasional.