Ohin, 26 Marsu 2019 – Prezidente Komisaun Funsaun Públika, Faustino Cardoso Gomes no Komisariu Asuntu Formasaun, SIGAP no Forsa Traballu, José Telo Soares Cristovão akompaña husi Diretur Nasional Formasaun no Dezenvolvimentu, Francisco Pereira partisipa enkontru konsultasaun Japan Development Scholarship (JDS) ne’ebé organiza husi JICA ho Embaixada Japaun, iha salaun Hotel Timor, Dili.
Objetivu programa JDS ne’e atu melhora kapasidade funsionarius públikus no hametin liu tan amizade entre governu Japaun no governu Timor-Leste.
Iha abertura atividade workshop ne’e Prezidente KFP fó parabéns no kongratula ba governu Japaun no dirijente sira ne’ebé marka prezensa iha enkontru konsultasaun ne’e. Nomós fó parabens ba diretur jeral INAP ne’ebe responsabiliza ba prosesu formasaun ba iha âmbitu melloramentu administrasaun públika Timor Leste nini’an.
Programa koperasaun ida ne’e presiza atu hametin diak liu tan, au mezmu tempu, husu atu iha komprensaun ba malu ho parseiru Japaun sira, komprende ita nia evolusaun, ita mós tenki nakloke ho frankeza, delikadeza, hato’o ita nia nesesidade real, atu nune’e iha duni ninia efikásia, wainhira estudante remata sira nia estudu iha Japaun.
D urante enkontru ne’e DJ INAP, Agustinho Letencio de Deus hateten, Funsaun Públika Timor-Leste, liu husi INAP atu haruka funsionáriu públiku ne’ebé admite iha selesaun bolsa estudu ne’e hamutuk nain ualu (8) ba eskola iha Japaun.
Enkontru konsultasaun ne’e marka mós, prezensa professores nain haat husi univesidade Japaun, reprezentante husi embaixada Japaun nian iha Timor-Leste, DJ INAP, diretores jerais, diretores nasionais no reprezentates balun husi instituisaun estadu.
