Prezidente Komisaun Funsaun Públika, Faustino Cardoso Gomes observa direta servisu profisionais saúde sira nian iha Hospital Nasional Guido Valadares (HNGV) hodi tama ba sala tratamentu pasiente mane nian, laboratoriu fase ran no sala emerjensia hafoin serimonia tomada de posse ba funsionárius profisionais saúde sira.
Durante vizita Prezidente mós konversa diretamente família pasiente ho pasiente ne’ebé mak baixa iha sala tratamentu no konversa mós ho pessoal saúde ne’ebé mak atende moras iha HNGV hodi haree ba atendimentu ne’ebé mak durante ne’e sai kestaun polémika iha públiku.
Vizita ne’e hala’o ohin (29/01/2020), iha HNGV, Bidau Santa Ana, Dili.
