Prezidente Komisaun Funsaun Públika (KFP), Sr Agostinho Letêncio de Deus, hetan konvite sai orador prinsipal iha Konferensia International ho tema “TOWARDS WORLD CLASS BUREAUCRACY ” ne’ebéorganiza husi The Asian Association for Public Administration ( AAPA), the Eastern Regional Organization for Public Administration (EROPA), the Asian Group of Public Administration (AGPA), and the Indonesian Association ( IAPA). Komferensia ne’ehalaodurante loron 3 hosi dia 5-7 iha Gedung Graha Sabha Pramana Universitas Gadjah Mada (UGM) Yogyakarta, Indonesia. Ho tema ne’ebé difinidu, iha konferensia ne’e foku ba kapital umanu iha kontestu governasaun – burokrasia, iha ne’ebé sai hanesan koluna vertebrata ba efisiensia no efetividade iha setor públiku.
Partisipante Konferensia ne’e ho total 1000 resin kompostu husi nasaun Australia, Bahrain, Belgium, Costa Rica, Germany, Indonesia, Japan, Phillipines, Rusia, Singapore, South Korea, Vietnam,Thailand, Amerika no Timor Leste. Enkuantu husi nasaun Indonesia, partisipante sira mai husi nivel Reitor, Dekanu no estudante FISIPOL husi Universidade lubuk ida iha Indonesia. Husi Timor-Leste, reprezenta husi ekipa KFP mak Presidente KFP Agostinho Letêncio de Deus, akompaña hosi Diretor Administrasaun Finansas, Belizario Magno Rafael Magno, Chefe Gabinete Rosvita Calapez Pires, no Silvia Cristina Nunes Fernandes, Media KFP.
Partisipa mós pessoa topu iha nivel birokratiku no lider organizasaun Administrasaun Públika mak hanesan Deputy Minister for Administrative Reform – Prof. Erwan Agus Purwanto; President IIAS – Dr. Ra’ed Huhamed Benshams; President AAPA and IAPA-Prof. Agus Pramusinto; Chair of 69th EROPA Executive Council – Prof. Nyuyen Ba Chien; Secretary General EROPA-Prof. Alex Brillantes Jr. no akompañha husi Reitor UGM. Enkuantu Kaynote speaker nivel internasional sira mak hanesan : Prof. Pan Suk Kim, Prof. Akira Nakamura, Prof. Wolfgang Drechsier, Prof. Janine O’Flynn, Dr. Conrado Ramos, Mr. Agostinho Letencio de Deus MAP, Prof. Hirofumi Takada, Dr. Vincent Wong no Kaynote speakter nivel nasional husi Universidade UGM, UNIBRAW, LAN, Kepala BAPEDHA DKI Jakarta, etc.
Enkuantu Presidente KFP lori topiku Leadership and Innovation. Ho esperiensia nudar practitioner iha Administrasaun Públika, Sr. Letencio fahe mos experiensia liga ho konseitu lideransa no inovasaun, jornada administrasaun publika Timor-Leste, prosesu inovasaun ne’ebé hahu halao durante IV Mandatu KFP no dezafiu sira ne’ebé sempre hasoru durante prosesu inovasaun. Husi topiku sira ne’ebé diskute, liu-liu experiensia sira husi Keynote speaker internasional no nasional sira mak oinsa Timor-Leste ne’ebé iha hela faze konstrusaun estadu bele dezenvolve Sistema administrasaun públika ida ne’ebé tenki rekuñese nafatin valor lokal sira, rekuñese katak prosesu inovasaun no dezenvolvimentu dijitalizasaun sira iha kada rejiaun mai ho karateristika no dezafiu ne’ebé konseteza diferense ho rejiaun seluk.
Konferensia ne’e remata ho komitmentu kada organizasaun atu dezenvolve nafatin administrasaun públika no komitmentu atu organiza nafatin konferensia ho nivel hanesan iha nasaun seluk.
