Prezidente Komisaun Funsaun Públika , Agostinho Letêncio de Deus akompaña husi xefe gabinete, Rosvita Calapez Pires ba partisipa Forun Dialogu Organizasaun Sosiedade Sivil iha Sala enkontru ONG FONTIL, Caicoli, Díli.
Dialogu ne’e ho objetivu atu buka oinsá asegura no garantia Boa Governasaun iha ita nia Rain Timor–Leste.
Iha abertura forum dialogu ne’e Diretor ONG FONTIL, Valentim da Costa Pinto husu ba komponentes hot-hotu hanesan Ministerius ka Instituisaun Governu inklui Sosiedade Sivil, tenke hatudu iha prátika ligasaun servisu hamutuk hodi promove Boa Governasaun, maibé entre Instituisaun sira ladun hametin ligasaun servisu luta ba Direitu Sidadaun nian, no promove sira nia direitu iha era liberdade ida ne’e, hanesan livre husi tendensia, violasaun, kiak no moras iha sira nia leet, sidadaun hot-hotu iha direitu ba moris di’ak labele husik sidadaun ida iha kotuk.
Iha tempu hanesan Prezidente Komisaun Funsaun Públika, Agustinho Letêncio nu’udar orador iha Forum dialogu Organizasaun Sosiedade Sivil ne’e liu husi nia intervensaun apresia ba konvite husi ONG FONTIL atu marka prezensa iha forum dialogu ne’e hodi hato’o hanoin kona-ba, papel KFP iha ambitu hametin boa Gover-nasaun nia konseitu bazika ba boa Governasaun liga ho papel KFP nia bele hare iha ko relasaun ne’ebá iha Estadu, Sosiedade Sivil no Setór Privadu, Instituisaun tolu ne’e mak halo analogu karik sira mak isin ba Boa Governasaun, nia klamar abstratu kuaze Ema la haree, ko’alia ba Boa Governasaun ne’e fortifika nafatin isin lolon mak Infrastrutura.
Prezidente KFP, Agustinho prefere Forum Dialogu ne’e hala’o bei-beik labele para, hanesan Governasaun mós, labele hakdasak tiha mak foin ita ko’alia ba malu, dialogu ida ne’e kontinua nafatin ho maneiras oi-oin, referensia ida, no seluk mak lee livru Boa Governasaun inklui referensia kualidade mai husi baze, atu garantia ba Boa Governasaun ne’e mak Instituisaun Autoridade Estadu, Sosiedade Sivil no Setor Privadu liga ho entidade ne’ebé garante Boa Governasaun iha Estadu, mak IGE, CAC, PDHJ, KFP.
Tribunal sira no Inspetores husi Ministeriu ida-idak nian, bele ami la’o ho didiak maibé, Sosiedade hola parte importante tanba, hala’o knár prinsipal ida, hanesan monitorizasaun lalais liu kompara ho Estadu tanba, despaisu tun ona mas, sei hein Guia de Marsa no MOP, iha konstituisan hateten, tenke habadak burokratizasaun maibé, dala barak ami rasik hanaruk burokratizasaun, maibé ami nia esperansa katak, ita servisu hamutuk ne’e lori didiak no ami apresia tebes.
Orador Diretor Exekutivo SASKA, Joaquim da Costa Freitas iha nia intervensaun hato’o ba partisipantes sira hateten, haree husi prespektivas Boa Governasaun la’ós husi Instituisaun Estadu deit maibé, Governasaun ne’e mós aplika iha Organizasaun Sosiedade Sivil sira hotu tanba, maluk sira ne’ebé promove Boa Governasaun ida mós, tenke hahú ona tau iha prátika jestaun ne’ebé garantia transparasia iha akuntabilidade ba públiku.