Sexta-feira, 10 Maiu 2019 – Prezidente Komisaun Funsaun Públika, Faustino Cardoso Gomes partisipa serimonia tomada de pose ba kargu Presidente no Vise Presidente nain tolu ba Instituto Nasional Formasaun Dosentes profesionais Edukasaun (INFODEPE) Balide, Dili.
Prezidente KFP nia diskursu hateten lori komisaun nia naran hatoo parabéns ba Ministériu Edukasaun, tamba konsege harii estrutura no rekursu umanos INFORDEPE ne’ebé iha figura importante atu lidera instituisaun estratejiku INFORDEPE hodi kumpri misaun no vizaun tuir polítika Estadu no Governo hodi garante kualidade edukasaun iha Timor Leste.
“Enkoraza emposadu sira atu hala’o knar ho resposnabilidade iha área formasaun akademiku, peskija monitrosaaun, no formasaun kontinuasaun, liga ho kontestu Timor Leste atu hasae kualidade profesores no dosente hodi garante kualidade edukasaun ho sustentabilidade. No husu ba emposadus Prezidente no vice nain tolu atu lidera INFORDEPE nu’udar instituisaun indepedente administrasaun, maibé presija halo koordenasaun servisu ho Ministeriu Edukasaun, tanba tutela Ministériu refere atu kontrola, akompaña supervisaun ba servisu hotu iha INFORDEPE bele lao diak, oinsa hasa’e kualidade formadores dosentes, proforesores iha enkuadramentu polítika Estadu no Governu nian,” dehan Prezidente KFP durante diskursu iha salaun INFORDEPE, Balide.
Kona-ba Nivel salarial iha Instituisaun INFORDEPE nu’udar administrasaun indireita, Presidente KFP hateten komisaun sei haree, analiza atu hadia diak liu tan iha futuru atu sai institutu administrasaun indireita ne’ebé hahu desentraliza administrasaun servisus no laos administrasaun territorial.
Molok remata Presidente KFP husu mós ba parte hotu hamutuk hodi dezenvolve INFORDEPE atu servisu professional, kualidade hodi hatan ba ezijensia públiku iha área edukasaun ne’ebé ho kualidade.
Vitor Brito simu posse nu’udar Presidente INFORDEPE ho vise nain tolu Ana Jesuina nu’udar vise prezidente asuntu peskija dezenvolvimentu no monitorizasaun, Domingos Martins vise ba assuntu formasaun no akademia, Arlindo Pinto nu’udar asuntu formasaun konstinua.
Serimonia tomada de posse ne’e marka mós prezensa Ministra no Vise Ministru Edukasaun Desportu no Juventude, Kargu diresaun no xefia husi Ministériu Edukasaun no INFORDEPE inklui familia emposadu sira.
Foto : Media CFP