Sentru Estudu Jeneru – UNTL konvida Prezidente Komisaun Funsaun Públika, Faustino Cardoso Gomes sai orador hodi partilla koñesimentu no polítika KFP nian kona-ba igualdade jéneru iha Funsaun Públika.
Prezidente kongratula ba inisiativa ida ne’e hodi konvida Komisaun mai hato’o no fahe koñesimentu ba polítika sira ne’ebé liga ho igualdade jéneru iha funsaun públika ninian.
“Evolusaun signifika iha mudansa positiva ida hare’e iha âmbitu asume kargus diresaun no xefia, hare’e husi aspetu kompozisaun funsionarius en jeral, ita sei hare’e ba situasaun ne’ebé ejize atensaun, katak, to’o ohin loron funsionarius feto sei iha númeru ne’bé limitadu tebes 35% no sei domitante husi mane mane 65% , ne’e hanesan dezafiu ida iha Funsaun Públika, tanba .ita simu tutan husi polítika tempu tuan nia ho karateristika tempu neba nian, alende sosio kultural país ida ne’e nian”, dehan Prezidente KFP ba jornalista sira hafoin atvidade formasaun ida ne’e, (04/04/2019), iha salaun auditoria Kampus Sentral UNTL.
Hare’e husi aspetu asume kargu diresaun no xefia agora iha mudansa no iha persentajen barak mak asume husi feto maluk sira hanesan iha KFP nian mais 50% kargus diresaun no xefia husi feto sira. Maibé situasaun ne’e bele akontese iha instituisaun seluk no asegura iha kargus diresaun no xefia ninian.
Alende ne’e Prezidente enkoraja feto maluk sira iha Funsaun Públika oinsa buka hakaás an diak liu tan ba oportunidade formasaun sira ne’ebé mak iha, no oportunidade vaga sira ne’ebé mak iha inkluidu mós ba vagas kargus diresaun ne’ebé mak iha, no importante mak avansa nafatin ho fiar an katak, feto mós bele.
Partisipantes sira ne’ebé partisipa mai husi estudantes no funsionariu UNTL nian, oinsa mak atu promove igualdade jeneru iha fatin nebe deit, inklui igualdade jenéru iha kontekstu funsaun públika nian.
