Prezidente KFP Vizita ba Administrasaun Postu Tilomar – Hodi Haree Besik Funsionamentu Servisu

Tersa feira, 15/11/2022- Prezidente Komisaun Funsaun Públika, Faustino Cardoso Gomes halo vizita traballu ba iha postu administrativu Tilomar, Munisípiu Covalima hodi haree besik sistema funsionamentu servisu administrasaun hodi halo atendimentu ba públiku.

Vizita Prezidente Komisaun Funsaun Públika iha postu administrativu Tilomar simu husi administrador postu Bendito Maia hamutuk ho funsionariu sira no kontinua halo vizita ba kada diresaun hodi haree rasik ho matan kona-ba kondisaun servisu no fasilidade meja kadeira no komputador inklui saneamentu. Hafoin vizita Prezidente KFP Faustino Cardoso Gomes halo enkontru ida ho administrador Postu Tilomar Bendito Maia, servisu lokal administrasaun Manuel C. ximenes, servisu lokal Finansas, Humberto da Silva, servisu lokal planeamentu dezenvolvimentu lokal, Dediano Mau, servisu lokal ba programa dezenvolvimentu komunitária, Evaristo Afonso Carvalho.

Durante enkontru Prezidente KFP Faustino Cardoso Gomes husu informasaun konaba rekursu humanos no força  trabalho, estrutura  postu administrativu Tilomar,  koordenasaun servisu ho diresaun sira seluk  inklui diretor escola hodi asegura prosesu aprendisagem,  planu desenvolvimentu, numeru funsionariu nebe tinan to’o ona 60 resin.  

Entretantu Administrador postu Tilomor Bendito Maia hateten, estrutura nivel postu Tilomar priense hotu ona maibé, sei infrenta maka menus rekursu umanus, avaliasaun dezempeñu ne’ebé fo impaktu ba mudansa eskalaun.

Hatan ba ne’e Prezidente KFP, Faustino Cardoso Gomes hateten, servisu Local Planeamentu Desenvolvimentu lokal hamutuk ho autoridade tenki servisu hamutuk hodi halo planu hodi aprezenta ba nivel Munisípiu.

Vizita Prezidente KFP ba administrativu Covalima hodi haree besik servisu funsionamentu iha administrasaun nian no foto hamutuk ho funsionárius/foto Media CFP