Tersa-feira loron 11 fulan jullu tinan 2023 – Prezidente Komisaun Funsaun Públika, Faustino Cardoso Gomes partisipa iha serimónia tomada de posse ba Pró-Reitores no Diretores ba Centro Universidade Timor-Lorosa’e-UNTL hamutuk ema na’in 5 (lima).
Kargu Pro-Reitor sira ne’e maka hanesan Pró Reitor Assuntus Kooperasaun, Pró Reitor Assuntus Inpesaun no Auditória, Pró Reitor Assuntus Provedória de Akonselamentu, Pró Reitor Assuntus Informasaun Transformasaun Digital no Inovasaun, ho Diretora Institutu Lingúistika Universidade Timor-Lorosa’e.
Reitor UNTL, Prof. dr. João Soares Martins agradese empossadu sira tamba hakarak servisu hamutuk, no pronto atu assume knar sira ne’e, no reitor espera emposadus sira bele kontinua dezempenha servisu hodi servi estudantes sira nu’udar servi povo no nasaun.
Iha opurtunidade ne’e mos Reitor Felisita professor UNTL ne’ebé hetan konfiansa husi governu da-9 assume kargu núdar Ministru Ensino Superior Siênsia no Kultura, Senhor José Honório da Costa Gerónimo.
Iha fatin hanesan Ministru Ensino Superior Siênsia no Kultura, José Honório da Costa Gerónimo hateten IX Governu Konstitusional kompremetidu atu ajuda UNTL, liu-liu melhora kursu sira hotu no harí edifisiu ba fakuldade sira.
Ministru sublinha liu tan katak Ministeriu iha ona planu hakotu lalais estatutu UNTL ne’ebé pendente hela, inklui lei baze ba ensino superior, iha loron 120 ne’e nia laran. Nune’e mós Prezidente Komisaun Funsaun Públika, Faustino Cardoso Gomes felisita emposadus sira ba terefas importante sira ba realizasaun misaun UNTL nian, liu-liu inspetória atu asegura kualidade jestaun, tarefas servisu ba informatizasaun, realmente estratéjiku tebes iha âmbitu atu aproveita teknolojia no informátika, hodi melhora servisu públiku ho efikas no efisiente, inklui sai centru laboratóriu ezemplar ho aproveitamentu téknlojia informátika.