Munisípiu Manatuto tinan ida ne’e iha 33 projetus Edifísius eskolares, husi 33 refere finaliza ona 21 projetus no uza ona, projetu hirak ne’e mai husi fundu seluk ne’ebé Sekretáriu lá temi.
Informasaun ne’e hatoo husi Sekretáriu Administrador Munisípiu Manatuto Eduardo Guterres durante enkontru ho Komisária Maria de Jesus Sarmentu ho ekipa Monitorizasaun iha Quarta-feira 12/10/2022 loraik hafoin fila husi Munisípiu Baucau.
Tuir Sekretáriu, profesores ho Kontratadus sira ne’e selu ho fundu Konssoens eskolares no sente orgullu ho DL Reforma obrigatória, tanba sei fó oportunidade ba jovem sira iha futuru.
Hafoin enkontru ho Sekretáriu Administrador Eduardo Guterres Ekipa ho Komisária halao enkontru diretamente ho Xefe Departamentu Dezenvolvimentu Jestaun parte Eskolares José Jerónimo Soares, koalia konaba avaliasaun dezempeñu no Promosoens inklui kolokasaun dos profesores.
Enkuantu Xefe Departametu Jestaun Finansas Mário da Conceição Soares preokupa ba fasilidades eskolares la sufisiente, falta bee mos hanesan iha EBF Sasahe Laclubar ne’ebé Estudantes lori Bee moos husi uma hodi konsumu no tein.