Segunda feira,10/04/2023 – Sekretaria Ezekutiva SKFP, Maria da Costa Oliveira partisipa development patners meeting on Timor Leste Integration ASEAN ne’ebé hala’o iha salaun enkontru Kayrala Xanana Gusmao Ministériu Finansas Dili.
Eventu ne’e nu’udar Dialogu ASEAN no organizasaun Bilaterais no multilaterais ne’ebé ko’alia liu kona-ba asuntu importante tolu Polítika Seguransa, Ekonomia no Sosiu Kulturál ne’ebé foka liu ba ekonomia ne’ebé hanesan forsa vital iha kualker paíz hodi adere ba ASEAN. Ministru Koordenador ba asuntu ekonomia no Dezenvolvimentu, Joaquim Amaral liu husi entrevista ho jornalista sira hateten, Timor Leste nia proposta atu sai membru ASEAN preparasaun ba pilar importante tolu ida maka Ekonomia ne’ebé Timor Leste halo ona esforsu lubuk ida hodi halo preparasaun adezaun ba organizasaun mundial komersiu, Timor Leste kumpri ona rekezitus, aliña lejislasaun Timor Leste nian atu suporta ambiente negósiu fasilita no proteje investimetu sira, bareira ba investimentu no negosiu hodi apoiu ba dezenvolvimentu ekonomia iha rai laran. Iha enkontru ne’e mós ekipa tékniku Timor Leste halo aprezentasaun kona-ba Timor Leste nian preparasaun ba iha pilar polítika seguransa, Sosiau Kultural no ekonomia ho nia dezafiu sira. Atu parseiru sira bele hatene hodi fó apoiu ba programa konkreta ruma bele hakat liu dezafiu sira hodi kompleta rekizitus atu sai membru ASEAN.
