Sekretária Ezekutiva KFP Maria da Costa Oliveira partisipa iha workshop Rejionál Medidas Estratéjikas Inter-Pilar husi Planu Estratéjiku Komunidade Sosiál-Kulturál ASEAN (ASCC) hala’o iha loron 29–30 Juñu 2026 iha Sekretariadu ASEAN, iha Jakarta, Indonézia.
Workshop ne’e hamutuk reprezentante sira husi Komunidade Sosiál-Kulturál ASEAN (ASCC), Komunidade Polítika no Seguransa ASEAN (APSC), Komunidade Ekonómika ASEAN (AEC), no ASEAN Connectivity, atu fahe sira-nia medidas estratéjikas inter-pilar, hasa’e komprensaun hamutuk, no buka dalan atu hametin kolaborasaun no koordenasaun ba implementasaun, monitorizasaun no revizaun efetivu husi medidas sira-ne’e.
Workshop Rejionál ne’e reafirma fali kompromisu ASEAN atu hametin mekanizmu inter-pilar sira hodi promove Vizaun Komunidade ASEAN 2045 no asegura implementasaun efetivu no sustentável husi Planu Estratéjiku ASEAN sira. Workshop Rejionál ne’e organiza husi Sekretariadu ASEAN, ho apoiu husi Governu Japun, liuhusi projetu Supporting the Development of the ASCC Strategic Plan ne’ebé finansia husi Japan-ASEAN Integration Fund (JAIF) 3.0.