Ekipa fellowship sei organiza seminariu hodi relata implementasaun programa jéneru nian ba governu Vitória, iha semana ida ne’e, iha Timor-Plaza ne’ebé sei organiza husi Diresaun Jeral Dezenvolvimentu Urbana Ministériu Administraasaun Estatal
Objetivu husi programa fellowship ida ne’e buka oinsa atu sensibiliza aspetu igualdade jéneru iha instituisaun sira governu nian.
Dadaun ne’e iha iha bainaka husi Governu Vitória no intensaun husi vizita delegasaun nian mak atu hatene asaun saida maka ita halo no ein jeral atu buka hatene komitmentu Timor-Leste nian ba asaun promove jeneru ne’e to’o iha ne’ebé.
Rezultadu fellowship ne’e hamosu planu servisu ida ne’ebé nu’udar planu segimentu ba iha planu asaun ba oin mai, “iha tempu ne’ebá instituisaun ida-idak hamosu planu asaun bazeia ba saida maka ita aprende husi governu Vitória, iha âmbitu oinsa atu promove igualdade jéneru iha instituisaun públiku sira. Durante semana rua ami iha koñesimentu lubuk ida prátika, ita dehan best practise ne’ebé hetan husi fellowship,” dehan Diretur Élio Guimarães, (20/08), iha nia servisu fatin, edifisiu KFP.
Élio admite “Iha buat balun maka foun mai ita ne’ebé membru fellowship ami konsidera ida ne’e nu’udar aprendizazem no ita presija haktuir ho kontekstu oinsa bele implementa no atualiza iha instituisaun públiku sira. Minimu ami hamosu prioridade rua to’o tolu ba kada instituisaun, partikularmente ba KFP, oinsa promove asuntu polítika sensitivu jéneru nian liu husi formasaun, diseminasaun, sharing informasaun ba funsionáriu públiku sira”.
Atu hatene hatene diak saida mak ekipa fellowship implementa ona, semináriu ne’e núdar oportunidade ba sira atu aprezenta saida mak hetan, hanesan kontinuidade ba lisaun aprendida ne’ebé sira hetan durante iha Melbourne.
Fo hanoin fali katak, ekipa fellowship desloka ba Governu Vitória durante semana rua husi 3 to’o 18 marsu 2018.
