Administrador Munispiu Lautem Domingos Savio loron 25 fulan agustu tinan 2023 loke ofisialmente seminariu Munisipal hodi hato’o benvindu ba Oradores no Intelektuais Munisipiu Lautém oan sira, Prezidente KFP Faustino Cardoso Gomes inklui partisipantes sira tomak, hodi motiva no enkoraja Intelektual Munisipiu Lautém oan sira atu prepara’an hasoru poder Lokal iha futuru mai, hodi envolve’an iha Dezenvolvimentu Nasional, li-liu iha Munisipiu Lautém, hodi kompete mos ho maluk sira iha Munisipiu sira seluk.
Prezidente Komisaun Funsaun Publika-KFP Faustino Cardoso Gomes iha nia aprezentasaun konaba Jestaun Rekursus Humanus iha ambitu Poder Local iha seminariu Munisipal Lautém nian ne’e hateten ba partisipantes sira katak, politika orientasaun ba administrasaun Publika iha kontestu Timor Leste nian no politika Desentralizasaun ne’e lao abraje ba saida deit no nia efeitu organika poder lokal ba tempu oin mai, nia entendimentu dinamiku, nia funsionamentu ligadu ho Desentralizasaun.
Presidente ne’e hateten, konaba situasaun makina Estadu ohin loron no ba futuru, nia feitu Rekursus Humanus iha Ambitu poder lokal nia lalaok, Munisipiu sira maka sei goza Desentralizasaun poder lokal nian ne’e, inklui kuadrus pessoal necessariu ba iha realizasaun poder lokal nian, inklui estrategia efetivasaun matenek oan sira iha prosesu refere. Total partisipantes iha Seminariu Munisipal Lautém nian ne’e atus ida tolu nulu resin ida, kompostu husi Intelektual Lautem oan sira husi ex Komandantes Falintil, Vitalisias husi Postu Administrativu sira iha Munisipiu Lautém tomak no Xefe suku sira.