Prezidente Komisaun Funsaun Públika-KFP Faustino Cardoso Gomes Sexta Feira loron 4 fulan agustu tinan 2023 partisipa iha serimónia asinatura termu aseitasaun ba funsionáriu foun rejime jeral nian na’in hát iha sala reunião Prokuradoria Geral República Colmera-Dili.
Prezidente Komisaun Funsaun Públika iha ninia diskursu hatete, vaga ne’e atu prenxe no suporta servisu funsionál iha ministériu públiku tuir área kompetensia ida-idak nian ho responsabilidade, tuir prosedementu legais hodi asegura profesionais no meritucrasia, ne’e hanesan dahuluk ba imi na’in ha’at nia jornada, no pronto kumpri regulamentu iha funsaun públika nian.
Parte seluk Procurador Geral República – Alfonso Lopez iha diskursu, konsidera funsiunariu foun na’in hát ne’e iha meritu ne’ebé di’ak liu kandidatu sira seluk, sira nia servisu iha administrativu hanesan papél ida importante tebes iha ministériu públiku, haensan imagem diak ba ministériu hotu-hotu, hatudu dedikasaun, integridade, respeitu ba lei no ordem superior sira niam, hodi ezerse funsaun, mantein nafatin komprimissiu, atu tau interese estadu nian as liu kualker interese sira seluk.
Prosesu rekrutamentu ba vaga sanulu resin ha’at ne’e hetan aprovasaun husi Primeiru Ministru VIII Governu Konstituisionál, liu husi porposta Procurador Jeral Repúblika nian ho objetivu atu subtitui funsionáriu sira ne’ebé mak mate, rezigna-an no reforma ona.
Vaga sanulu resin ha’at ne’e ho kategoria tekniku professional grau D tolu, tekniku administrativu grau E ualu no tekniku asistensia grau F tolu. Prosesu Konkursu iha fase dahuluk hetan deit konkorente na’in sanulu, ne’ebé halao tiha ona serimonia asinatura termu aseitasaun iha loron 24 fulan oktobru tinan 2022, no restante hát seluk loke fali re-anunsia iha 26 setembru to’o 07 oktobru tinan 2022, maka foin halao serimonia asinatura termu aseitasaun ne’e, kompostu husi mane tolu feto nain ida.