Sekretária Ezekutiva Sekretariadu Komisaun Funsaun Públika (SKFP), Maria da Costa Oliveira hamutuk ho Xefe Unidade Peskiza Polítika no Observasaun Funsaun Públika (UPPOFP), Alfredo Orleans Magno partisipa iha workshop ho asuntu temátiku ‘’Paz, Justisa e Instituisaun Forte’’, ne’ebé organiza husi Sentru Planeamentu Integradu – MPO.
Iha abertura ne’e Vise Primeiru Ministru, José Maria dos Reis husu, nafatin kontinuidade no vinkulativu ba programa reajustamentu planu estratéjiku dezenvolvimentu nune’e Governu ida tuir mai kontinua implementa tuir planu estratéjiku ne’ebé mak deefine ona.
Tuir planu estratéjiku ne’e implementa tuir pilar importante lima ne’ebé define hanesan, dezenvolvimentu kapital umanu no natural, ekonomia diversifikadu inkluzivu no sustentavel, dezenvolvimentu urbanu no rural, konetividade no vantajen komparativu no pilar ikus mak paz justisa no instituisaun forte.
Workshop ne’e hala’o, 16 Janeíru 2023, iha Salaun Centro de Planeamento Integrado (CPI), Farol, Díli.