19 marsu 2024, Sekretariadu Komisaun Funsaun Públika partisipa workshop virtual ne’ebé organiza husi paíz membru ASEAN Malázia kona-ba NAVIGATING THE LABYRINTH: DESIGNING COLLABORATIVE OVERNANCE FOR TOMORROW.
Objetivu husi progama workshop ne’ebé organiza husi Public Service Department and the National Institute of Public Administration (INTAN), Malaysia ne’e hodi hatene importansia husi rezolusaun kolaborativa ba dezafius globais kompleksu ne’ebé enfrenta no proporsiona plataforma servisu ida iha rede interkambiu ba partilla hanoin, ideia no esperiensia sira iha domíniu Governasaun kolaborativa iha setór públiku entre Estadu membru ASEAN nian.
Iha sesaun aprezentasaun materia ne’e kona-ba Building Trust in Collaborative Governance: Addressing Skepticism and Fostering Legitimacy in Multi-Stakeholder Decision-Making no Leveraging Digital Tools to Enhance Stakeholder Engagement and Communication. Alende ne’e ko’alia mós kona-ba smart city no programa MADANI, sustentabilidade, inovasaun no respeitu.
Liga ho materia smart city la’ós liga de’it ba teknologia maibé asuntu interligadu sira hanesan sidade moos, saudavél, liga ho setór seluk hanesan edukasaun, saúde, sosial, infraestrutura no teknolojia ne’ebé la’o iha rai laran hodi hasa’e kualidade moris.
Iha workshop ne’e fó mós oportunidade ba partisipante sira husi paíz membru ASEAN no Timor-Leste hodi diskute no fó ideia sira hodi hamosu dialogu kolaborativu ida entre Governu ba iha dezafius no oportunidade sira ne’ebé mak iha.
Iha Oportunidade ne’e Xefe Unidade Dezenvolvimentu ba Sistema Informasaun iha Funsaun Públika, Marfilho Fidel Alvares Pereira esplika mós kona-ba Timor hanesan nasaun joven, mosu difikuldade barak maibé relasiona ho teknolojia informátika ne’ebé menus péritu, dezafiu sira ne’ebé iha hodi la taka dalan ba Timor hodi partisipa ba iha dezenvolvimentu área refere no esplika mós kona-ba dezenvolvimentu sistema iha Komisaun Funsaun Públika hanesan SIGAP Foun no módulus interligadu sira seluk ne’ebé daudaun ne’e eziste iha KFP Timor-Leste.
Partisipa iha workshop virtual ne’e reprezenta husi Xefe Unidade Dezenvolvimentu ba Sistema Informasaun iha Funsaun Públika, Marfilho Fidel Alvares Pereira, xefe departamentu IT, Edgar Magno, Xefe departamentu Rekursu Umanus, Mario da Conceicao Nunes no pontu fokal, Lorga dos Santos no paíz membru ASEAN sira kompostu husi ema nain 33.
