Kinta-feira, 21 Marsu 2019 – Komisariu Asuntus Formasaun , SIGAP no Forsa Traballu Funsaun Públika, José Telo Soares Cristovão, iha Seminariu Nasional topiku “Estratejia Dezenvolvimentu no Sertifikasaun Kompeténsia Lideransa atu Responde Politika Reforma Administrasaun Públika”.
Seminariu ne’e importante, maibé triste, tamba laiha partisipasaun maximu husi kargu dirasaun no xefia sira, Komisariu José Telo Soares Cristovão halo afirmasaun ne’e bainhira reprezenta Presidente KFP sai orador hodi koa’lia kona-ba Dezenvolvimentu Kompetensia Lideransa no Importansia Prosedimentu ba Formasaun Lideransa iha Administrasaun Públika, iha salaun Ministériu Finansas, Aitarak Laran, Dili.
Nia rekoñese dirasaun kargu no xefia ho nia rekezitus sira II mandatu KFP kria ona padraun liu husi dekreitus lei numeru 25/2016, maibé nia implementasaun sei infrenta defikuldades iha prosesu subtituisaun ba kargu xefia sira, tamba intervensaun polítika birokrasia ne’ebé ás liu, tamba ne’e presija estabelese servisu hamutuk KFP no INAP inklui instituisaun relevantes sira seluk atu hadia hodi garante prestasaun servisu ne’ebé exelente, efisiensia, efikasia no professional ba Públiku.
Seminariu Nasional ne’e organiza husi Institutu Nasional Administrasaun Públika (INAP) servisu hamutuk Gabinete Primeiru Ministru, konvida orador Internasional Prof. Ryokichi Hirono, professor Emeritus Seikei husi Universidade Japaun, Dindin Wahyudin, Diretor Asa Pasific koperasaun husi Indonézia, orador Nasional Dr. José Ramos Horta, titular Nobel da Paz, ministru Reforma Legistlativa asuntu Parlamentar, Dr. Fidelis M. Leite Mangalhães no Ministru Negosiu Estranjeiru no Kooperasaun, Dr. Deonisio da Costa Babo Ph.D, membru Parlamentu Nasional, Fransico Miranda Branco no Mariano Asanami Sabino, akademista Timor Oan balun hodi hato’o prespektiva kona-ba polítika reforma Administrasaun Públika Timor-Leste.
No partisipa husi Diretor jerais no Diretor Nasionais sira, ho objetivu atu halibur hanoin prátika no esperensia internasional ba Dezenvolvimentu kapasidade lideransa Administrasaun Públika hodi responde ba polítika reforma Administrasaun Públika iha VIII Governu Konstitusional.
