La’e ba violensia no asédiu iha Funsaun Públika sai hanesan polítika prioridade Komisaun Funsaun Públika ninian ne’ebé mak hahú ona iha mandatu dahuluk too mandatu datoluk nian kontinua la’o liu husi diseminasaun sira direta ba munisípiu sira to’o postu sira inklui iha média ne’e importante ba KFP hodi partilla ba funsionáriu sira tantu públiku ein jeral.
Nune’e, Komisaun Funsaun Públika liu husi servisu hamutuk entre ILO no KFP realiza programa talk show ITA NIA BAINAKA iha kanál RTTL E.P kona-ba “Lae Ba Violensia no Asédiu Iha Funsaun Públika no Mundu Traballu” .
Ho baze ba prioridade no polítika KFP nian hahú iha mandatu dahuluk to’o agora sai hanesan prioridade prinsipal hodi prevene no kombate violensia no asédiu iha servisu fatin atu fo seguru no saudavél ba iha funsionariu sira servisu fatin no iha Funsaun Públika ein jeral.
Nune’e liu husi servisu hamutuk entre ILO no KFP, konvida entidade sira hanesan PDHJ, SEII, KSTL, ALFeLa hodi marka prezensa iha studiu RTTL E.P hodi ko’alia ba asuntu sira relasiona ho papel entidade ida-idak ninian.
Hanesan husi ALFeLa nian rejista kazu 680 ho tipu kazu violensia doméstika, violensia seksual, abuzu seksual ba menor idade no ofensas ba integridade fízika simples inklui kazu abandona ka ezersísiu poder paternal no alimentasaun.
Alende ne’e tuir Diretor Nasional Étika no Disiplinar Lourenço Barros Magno hateten, violensia seksual ka asédiu seksual sai preokupasaun ba Komisaun Funsaun Públika tanba ne’e Funsaun Públika tau prioriedade ba não ao assédio sexual na Funçao Pública, hahú kedas iha 2017 iha ona orientasaun númeru 12/ 2017 ne’ebé maka ko’alia liu lae ba asédiu seksual iha servisu fatin, orientasaun refere atu institui prosedimentu ba prevensaun kombate lae ba asédiu seksual, subliña Diretor Nasional.
Nune’e liga ba servisu PDHJ ninia liga ho papel PDHJ ninia simu keisa, halo fiskalizasaun ba boa governasaun no asegura direitu vítima iha prosesu sira violensia no asédiu.
Entretantu husi Diretor Jeral Armando da Costa hateten, Sekretariadu Estadu Igualdade Inkluzaun (SEII) hanesan instituisaun de Estadu ida ne’ebé ho papel boot ida atu bele kontribui ba iha prevensaun violênsia hasoru feto no labarik feto inklui asédiu sexual.
Bazeia ba ne’e iha programa abordajen integradu Jéneru oinsá SEII halo advokasia no servisu hamutuk ho Instituisaun Estadu hotu hodi bele integra asuntu Igualdade iha sira nia Polítika Programa no Orsamentu inklui Lei sira ne’ebé prepara husi Ministériu interligadu sira.