Komisaun Funsaun Públika partisipa iha serimónia tomada posse ba emposadu Frederico dos Santos Maia nu’udar Diretor Jeral Ministériu Petroleo no Rekursu Minerais periodu 2023-2027 ne’ebé realiza iha Beach Garden Hotel Praia dos Coqueiros, kinta – feira 19/10/2023.
Vaga ba Diretor Jeral MPRM ne’e nu’udar konkursu internu (selesaun pur meritu), kandidatu hamutuk na’in walu (8) kompostu husi mane na’in ne’e (6) no feto na’in rua (2), rezultadu selesaun dokumentu kandidatu na’in rua (2) kompostu husi mane na’in rua (2) passa hodi submete ba exame eskrita no rezultadu kandidatu ida mak passa no avansa ba faze entervista ho rezultadu faze entrevista kandidatu ida ne’e dunik mak hakat ba tomada posse ne’e.
Iha Diskursu husi Prezidente Interinu, Komisariu Asuntu Dixiplinar Fausto da Silva Freitas hateten, selesaun pur meritu ne’e prosesu seletivu ida ne’ebé importante tebes atu bele evita politizasaun no mós bele garante meritrokrásia iha Administrasaun Públika, atu nune’e servidor públiku sira bele hala’o servisu ida ho imparsial no profisionalizmu ne’ebé aas ho baze ba meritu atu hodi presta servisu ida kualidade ba Estadu no ba povu Timor-Leste.
Servisu ho méritu no profisional signifika ezerse funsaun ho didiak, halo atendementu públiku ho efisiente no efikaz, asegura transparansia, kria komunikasaun di’ak ho superior no mós subordinadu sira, evita hahalok sira ne’ebé bele hamosu konflitu interesse, servisu ho imparsialidade liliu evita politizasaun iha servisu Administrasaun Públika nian no mós hado’ok-an husi hahalok korrupsaun sira, hatete Prezidente Interinu, Komisariu Asuntu Dixiplinar Fausto da Silva Freitas.
Alende ne’e mós iha diskursu husi Ministru Petroleo e Recurso Minarais katak, ita bo’ot hanesan Diretor Jeral kaer hela kna’ar ne’ebé mak importante no bo’ot iha kontextu dezenvolvimentu ekonómiku, ne’e hanesan pontu sentral id aba koordenasaun hotu ne’ebé mak sei hala’o iha Ministériu Petroleo e Recurso Minarais ne’ebé hanesan setór bo’ot ho kontribuisaun ba nasaun Timor-Leste.
Diretor Geral hanesan kargu nu’udar kargu maximu responsavél ba diresaun nasionál no sei dirije iha Ministériu Petroleo e Recurso Minarais no Diretor Geral mós hanesan segunda pessoa iha Ministériu hodi fó apoiu maximu ba Ministru no Ministériu hodi atinje objetivu polítikamente define ona ba iha Ministériu, hatete Ministru MPRM Francisco da Costa Monteiro.
Serimónia tomada posse Diretor Jeral Ministériu Petroleo e Recurso Minarais periodu 2023-2027 ne’e hahú ho relátoriu husi Prezidente Juri, Leitura decisão da Comissão Função Pública, Juramento dos em pussado, Asinatura termu aseitasaun no foto hamutuk, alende ne’e hetan mós partisipa husi kargu xefia sira no painél juri sira hotu.
