Sexta-feira, 3 Maiu 2019 – Prezidente Interinu Komisaun Funsaun Públika, Komisariu asuntu Formasaun, SIGAP no Forsa Traballu, José Telo Soares Cristovão akomapaña husi asesor João Pereira fó diseminasaun ba kargu diresaun no xefia diresaun Estatistika-Ministériu Finansas, kona-ba Reforma Administrasaun Públika (RAP), iha salaun Diresaun Estatistika, Caicoli, Dili.
Durante aprezentasaun Prezidente Interitu esplika objetivu husi diseminasaun ne’e atu kargu diresaun no xefia, iha diresaun Estatistika hatene Planu Komisaun Funsaun Públika kona-ba Refoma Administrasaun Públika, Progressu Reforma Administrativa Públika iha kontextu KFP nia Portafoliu no futuru Funsaun Públika RAP.
“Durante I no II mandatu KFP no tuir referensia manual planu estratejiku Desenvolvimentu Nasional tinan 2011-2030 refleta planu estratejiku KFP tinan 2015-2030 atu revé no redezeña polítika no enkuadramentu legal Funsaun Públika hodi rasionaliza forsa traballu Funsaun Públika, revé, promove enkuadramentu Governasaun no Sistema Jestaun Rekursu Umanu (GRU) hodi revitaliza no kria sistema no kultura desempeñu re-estrutura Funsaun Públika.
Polítika no programa KFP ne’ebé durante ne’e implementa ona mak dekretu lei sira, no alterasoens dekretu lei balun, orientasoens, definisaun Dia Nacional da Função Pública, proibisaun tabaku, alcool no palavrões iha servisu fatin no Komisaun mós sei kontinua defini polítika, mekanizmu no instrumentu hodi re-estrutura Administrasaun Públika, fo’o parecer iha âmbito harmonizasaun kuadru legal sira Funsaun Públika nian, disiplinar ho karakter administrativa, implementa polítika simplisidade iha KFP, estabelesimentu MoU kuadrilateral ho PDHJ, KAK, IJE kona-ba governasaun diak iha funsaun públika no prioridades seluk tan.
