Sábado loron 01/07/2023, Presidente Comissão Função Pública Faustino Cardoso Gomes partisipa iha “Cerimônia Tomada de Posse Primeiro Ministro no Membros IX Governo Constitucional da República Democrática de Timor-Leste”, iha Palácio Presidêncial Nicolau Lobato Díli.
Primeiru Ministru foun José Alexandre Gusmão koinesidu ho kodeku Kay Rala Xanana Gusmão iha nia diskursu hateten, hodi partidu Congreso Nacional Recontrucão Timor-CNRT no Partido Democratico-PD ne’ebé hamutuk ho komprimisiu komum atu restaura estadu direitu demokratiku, kompromete’an atu halo diferensia, iha planu, asaun no iha jestaun ba iha responsabilidade, administrasaun públika, atu atinji objetivu efisiensia no efikasia iha prestasuan servisu hodi serví povu, no iha prestasuan responsabilidade ba estadu no kompromete katak loron 120 rekolla fali normalidade demokratika parlamentu atu aprova programa governu nian ba tinan lima mai.
Programa dahuluk ba serimónia ne’e mak hanesan Hahú ho Hino Nacionál Patria-Partia, Leitura Dekretu Prezidente RDTL konaba Nomeasaun ba Membru IX Governu Konstitusional, Juramentu no Assinatura Termu Pose, Discursu Husi Presidente RDTL ho Primeiru Ministru, no ensera serimonia tomada de pose ne’e ho Sessão Fotografia Official hamutuk, akompanha ho Dansa Cultura no “SERGALA” husi posto administrativo Maubise municipío Ainaro.
Iha Serimónia ne’e partisipa husi, Eiz Primeiro Ministru, Eiz Prezidente Parlamentu Nacional, Eiz Deputados, Eiz Ministros, Eiz Vice Ministros, Eiz Secretario Estados, Veteranos, Reprezentante husi Nasaun Viziñu Indonesia, Embaxadores, Diretores, Comandante F-FDTL, Comadante PNTL, Lia Na’in, Familias, Convidadus no Povu Timor Leste. Membru IX Governu Konstituisional kompostu husi Primeiru Ministru, Vise Primeiru Ministru na’in rua (2), Ministrus na’in sanulu rein sia (19), Vise Ministru na’in sanulu resin lima (15).
Membru IX Governo konstitusional hamutuk ema nain 47 (hat nulu resin hitu), kompostu husi mane na’in 40 (ha’at nulu) no Feto na’in 7 (Hitu).